free page hit counter
LATEST

ආණ්ඩුවේ ඉස්පිරිතාලෙන් බිල් දුන්නට සල්ලි ගන්නේ නෑ

Politics 1438

දකුණු කොළඹ ශික්ෂණ රෝහලෙන් ප්‍රතිකාර ලබාගැනීමට පැමිණෙන රෝගීන්ට බිල්පතක් නිකුත් කරන්නේ රජය විසින් ප්‍රතිකාර කිරිම සඳහා වැය කරන මුදල රෝගියාට දැනගැනීමට පමණක් බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි.

රෝගීන්ගෙන් මුදල් අය කර ගැනීමට සෞඛ්‍ය සේවාව සුදානම් වන බවට ඇතැම් සමාජ ජාල වෙබ් අඩවි පළ කළ පුවත් අසත්‍ය බව සෞඛ්‍ය අමාත්‍යවරයා අවධාරණය කර සිටියි.

මේ පිළිබදව අදහස් දක්වමින් සෞඛ්‍ය අමාත්‍යවරයා මෙසේ ද පැවැසීය.

“සමාජ ජාල වෙබ් අඩවි විද්‍යාවේ දියුණුව තුළින් ඇති වූ දෙයක්. නමුත් එහි භාවිතය අවිද්‍යාත්මකයි. භාවිතය නිසා ජනතාව නොමග යවමින් විනාශයන් සිදු වෙනවා.

එහි බලපෑම සෞඛ්‍ය සේවාවටත් උදා වී තිබුනා. පසුගිය දිනෙක සමාජ ජාලා වෙබ් අඩවිවල පළ වී තිබුනා දකුණු කොළඹ ශික්ෂණ රෝහලෙන් බිල්පතක් නිකුත් කරමින් රෝගීන්ගෙන් මුදල් අය කරන බව. එය අසත්‍යයක්.

එම බිල්පත නිකුත් කරන්නේ ප්‍රතිකාර කිරිම සදහා වැය වන මුදල රෝගීන්ට දැනගැනීම සදහා පමණයි.

එම වැඩපිළිවෙල නිර්මාණය කළේ දකුණු කොළඹ ශික්ෂණ රෝහලේ විශේෂඥ වෛද්‍යවරයෙක් විසින්.

මම දකුණූ කොළඹ ශික්ෂණ රෝහලේ පැවැති උත්සවයකට ගිය අවස්ථාවේ දී මෙම වැඩපිළිවෙල හදුන්වා දුන්නා.

නමුත් ඇතැම් සමාජජාල වෙබ් අඩවි රෝගීන් නොමග යවන සුලු ප්‍රවෘත්ති පළ කර තිබුනා. සෑම දෙයක්ම දේශපාලන කෝණයෙන් බලන්න එපා. එමගින් බලය ලබාගන්න උත්සාහ කරන්නත් එපා. සෞඛ්‍ය යනු සේවාවක්.”


Leave a Reply

Your email address will not be published. Required fields are marked *

Rating*

Check Also
අමල් කරුණාසේකර යළි රිමාන්ඩ්
මාධ්‍යවේදී කීත් නොයාර් මහතා පැහැරගෙන යාමේ සිද්ධිය සම්බන්ධයෙන් අත්අඩංගුවට ගත් හිටපු හමුදා බුද්ධි අංශ අධ්‍යක්ෂ ...