free page hit counter

බැඳුම්කරයට බොරු කිව්වට රවීට එරෙහි වෙන්න නීතිපති සුදානමින්

Politics 1026

මහ බැංකු බැඳුම්කර කොමිසම හමුවේ අසත්‍ය සාක්ෂි ලබාදීම සම්බන්ධයෙන් අමාත්‍ය රවී කරුණානායක මහතාට එරෙහිව ඉදිරියේදී චෝදනා ගොනු කිරීමට අපේක්ෂා කරන බව නීතිපති දෙපාර්තමේන්තුව අද(30) කොළඹ මහේස්ත්‍රාත් අධිකරණයට දන්වා සිටියේය.

මහ බැංකු බැඳුම්කර කොමිසම හමුවේ අසත්‍ය සාක්ෂි ලබාදුන්නේ යැයි රවී කරුණානායක මහතා සම්බන්ධයෙන් රහස් විසින් සිදුකරන පරීක්ෂණයට අදාළ පැමිණිල්ල අද කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය ඉදිරියේ කැඳවනු ලැබීය.

එහිදී නීතිපතිවරයා වෙනුවෙන් පෙනීසිටි රජයේ නීතිඥ ලක්මිණී ගිරිහාගම මෙනවිය අධිකරණයට දන්වා සිටියේ මෙම සිද්ධියට අදාළ විමර්ශන අවසන් කිරීමෙන් පසුව අසත්‍ය සාක්ෂි ලබාදීම සම්බන්ධයෙන් රවී කරුණානායක මහතාට එරෙහිව චෝදනා ගොනු කිරීමට අපේක්ෂා කරන බවයි.

මෙම සිද්ධියට අදාළව ඉදිරියේදී රවී කරුණානායක මහතාගෙන් සහ ඔහුගේ දියණියගේ ප්‍රකාශ ලබා ගැනීමට සැලසුම් කර ඇතැයිද රජයේ නීතිඥවරිය දන්වා සිටියේය.

අනතුරුව පැමිණිල්ල ජුලි මස 29 වනදා කැඳවීමට නියම කළ ප්‍රධාන මහේස්ත්‍රාත්වරිය එදින එම කටයුතුවල ප්‍රගතිය වාර්තා කරන මෙන් රහස් පොලීසියට නියම කළේය.


Leave a Reply

Your email address will not be published. Required fields are marked *

Rating*

Check Also
පාසල්වල ආරක්ෂාව ගැන පැතිරෙන කට කථාවලට රැවටෙන්න එපා
පාසල්වල ආරක්ෂාව ගැන පැතිරෙන කට කථා සම්බන්ධයෙන් ජනතාවට නොරැවටී සිටින්නැයි පොලිස් මාධ්‍ය ප්‍රකාශක, පොලිස් අධිකාරී ...